الثلاثاء، 17 فبراير 2009

اللقاء الثاني

بسم الله الرحمن الرحيم
السلام عليكم ورحمة الله وبركاته

مرت الأيام وشبه نسيت اللقاء الأول
وذهبت إلى الجامعة مع صديقتي وكان أول أسبوع من الدراسة
وغالبًا يكون أسبوع شبه خالٍ من المحاضرات
ولكننا حرصنا على الذهاب لمتابعة بعض الأمور مثل الجدول و معرفة المواد والمحاضرين وهكذا
ولم يكن هناك كثير من طلبة دفعتنا حاضر في هذا اليوم، كنا بضع عشرات فقط
وكما توقعنا لم يأت محاضر المحاضرة الأولى
وإنتظرنا المحاضرة الثانية فإذا بالمحاضر قد جاء وأعطانا بعض مقطتفات عن المقرر كنوع من التقديم للمادة والتمهيد لها
وأثناء المحاضرة استأذن شخص ودخل ليتكلم مع المحاضر
يا إلهي لم أكن لأتخيل أنه هو
لأول وهلة لم أعرفه ولكن سرعان ما تذكرت هذا الوجه ولكنه كان أكثر جدية اليوم
قال ما قاله للمحاضر وخرج
وفي طريقه للخروج لمحني وكنت جالسة في أول صف
لست أدري ما الذي جاء به إلى هنا؟ وماذا قال لمحاضرنا وما علاقته به من الأصل؟!
ما علينا
بعد إنتهاء المحاضرة وكانت آخر محاضرة في هذا اليوم خرجت أنا وصديقتي كان عندنا بعض مشاوير نقضيها بعد الإنتهاء من اليوم
ونحن في طريقنا للخروج من باب الجامعة وجدته واقفًا أمام عربة خضراء اللون
ابتسم لي وحياني بإيماءة رأسه وكذلك فعلت أنا
طلب مني توصيل سلامه لوالدي ووالدتي ودعاني ليوصلني
ولكني بالطبع رفضت؛ ماكان لي أن أركب مع رجل غريب.. وكذلك لم أكن متجهة للمنزل أصلاً
ولم يلح هو عليّ في الطلب إذ أنه كان يعرض عليّ من منطلق الذوق وهو يعلم جيدًا أنني لن أقبل بهذا العرض
عدت إلى المنزل بعد أن قضيت كل أغراضي -أنا وصديقتي- وبالطبع لم أنجُ من أسئلتها المتلاحقة عن هذا الرجل
وقد أخبرتها أنه ابن صديق والدي ليس أكثر
وعندما عدت إلى المنزل قصصت على والدتي ما حدث وأوصلت لهم سلامه
وكطبيعة كل الأمهات تابعت –والدتي- مع بعض العبارات المتوقعة كمثل (والله فيه الخير) (بس انتِ طلعتي جدعة إنك مركبتيش) (لو كنتي ركبتي كنت قطعت رقبتك) على سبيل المزاح ليس إلا
يا إلهي لثانِ مرة يُنسيني سوء تركيزي بعض الأمور
كان يجب أن أخبره بصورته التي معي ......... لالا، لم يكن يجب.. هكذا أفضل؛ لقد أعطيتها لوالدي وهو يتصرف ليس لي شأن في ذلك
ولكن ما الذي جعله يأت هذا اليوم؟! ولماذا يشغلني الأمر!!
أعتقد أن مجرد بدء علاقات جديدة والتعرف إلى أُناس جدد يأخذ حيز من التفكير بعض الوقت وسرعان ما يذهب مع الوقت
إذن فقد انتهى الأمر.

كان اليوم ممتع على الرغم من كثرة السير الذي سرته أنا وصديقتي لشراء أغراضنا
سلامي الأن يا مفكرتي العزيزة ولي عودة معكِ قريبًا بإذن الله

26 Comments:

  1. غير معرف said...
    (((((يالهي لثان مرة ينسيني سوء تركيزي بعض الأمور
    كان يجب أن أخبره بصورته التي معي )))))

    النسيااااان نعمه كبييره
    واعتقد كان هيكون فى احراج ليكى لو قولتى احمدى ربنا انك نسيتى
    Ma7moud So3ody said...
    تحياتي كتير على اسلوبك الجميل
    مدونتك جميلة

    أرجو التواصل

    محمود سعودي

    :))
    سوسو الاموره said...
    هيا القصه دي حقيقه ولا خيال بس الواضح انها حقيقه يا حياتي بس بجد انا بستمتع اوي بكتاباتك تسلم ايديكي وعودي لمفكرتك باسرع وئت انا اشتاتيليك اكتير
    E73 said...
    غير معرف
    ********
    كنت اتمنى أتشرف بمعرف حضرتك
    لكن فعلا النسيان نعمة الحمد لله
    أكيد شكلي كان هيبقى وحش قوي لو اتكلمت شكرا على مرورك وتعليقك
    E73 said...
    محمود سعودي
    ***********
    اكرمك الله
    من ذوقك
    ان شاء الله
    شرفتني
    E73 said...
    سوسو الأمورة
    ***********
    انتي اللي بتسألي يا سوسو؟
    امال اللي ميعرفونيش يقولوا ايه؟!
    خيالية طبعا يا كميل
    الله يخليكي يا قمري وانا كمان
    تسلمي وتعيشي يا عيوني
    ان شاء الله مش هتأخر
    AhMeD RaDy said...
    لا جديد

    ترتيب منطقى للاحداث .. تركيز على الشخصيات والفكرة لتوصيل معنى

    اللى عجبنى ان الفكرة اللى بتوصليها انتى ماسكها كويسيمكن حساها كويسودا اللى بيساعد اكتر ان الناس تصدق اكتر انها حقيقية اكتر من انها خيالية

    ويمكن لان احيانا ... بنعبر باكلمات على اللى نفسنا نمر به ولو بشكل خيالى حتى

    عشرة على عشرة يا E73

    وربنا يارب يسعدك ويوفقك فى اللى بتتمنيه
    E73 said...
    مرسي كتير يا احمد بجد دائما بترفع من روحي المعنوية
    نحن واياكم يا رب وكل المسلمين والمسلمات
    Lady E said...
    يظهر ان كلنا اطفال :)

    اول مرة ازور مدونتك بس بجد جميلة واسلوبك جميل في الكتابة
    E73 said...
    لادي
    ****
    واضح كدة
    منورة وشرفتيني بردك الرقيق
    وان شاء الله لي طلة على مدونتك
    غير معرف said...
    ما زلت حى ارزق

    واعتذر عن التاخير

    وان شاء الله

    لن يدوم
    E73 said...
    حمد لله على السلامة
    ان شاء الله
    شرفتني
    شخـا بيــط مـحـجـوب said...
    تحياتى ليكى
    اولا على مدونتك الجميلة
    ثانيا على اسلوبك وتعبيرك ورقة كلامك

    ربنا يكرمك ويحقق ليكى كل ما تتمنية

    تحياتى ليكى

    شخابيط mahgoub
    غير معرف said...
    وانا معدى قلت اسلم عليكى

    واعرف ايه اخبارك

    يا رب تكونى بخير دايما

    ان شاء الله
    E73 said...
    شخابيط
    ******
    الله يكرمك يا كميلة على ذوقك
    والحمد لله ان المدونة عجبتك
    شرفتيني بمرورك وتعليقك
    E73 said...
    الهامي
    ******
    الله يسلمك
    الحمد لله بخير
    انش اشاء الله آخر أخباري قرب ينزل
    رحلتنا في الحياة said...
    اسلوبك فى السرد جميل جدا مدونة جميلة وعلى فكرة صدقت القصة جدااااااااا:)
    E73 said...
    أيوشة
    ******
    الله يكرمك يا كميلة بجد على ذوقك
    يسعدني إنك تصدقيها لكن للأسف هي مش حقيقية أنا مألفاها بس
    غروب said...
    جميله يا ايناس خالص مكمنتش متوقعه انى هاقدر استحمل اللغه

    انتى عارفانى ضليعه في العربي الفصيح

    بس بجد حلوه

    ومنتظره الباقي
    ahmed_k said...
    في البدايه ربنا يوفقك في التيرم الجديد
    وشدي حيلك عايزك تطلعي الأولى
    وبالنسبه لإبن صديق والدك بالتاكيد
    حتلاقيه أشتغل في الجامعه وكان بيخبر المحاضر أنه يروحله المكتب علشان يقبض
    المرتب بس كده
    وألف سلامه عليكي من كتر المشي


    خالص تحياتي
    غير معرف said...
    خيالك يجبر عقلى على انه حقيقة وليس

    خيال

    من اين اتيتى بهذه السيطرة ام هو تمكن

    فى السرد لا اعلم ولكنى ساكرر القراءة

    حتى اجد الحلقة التائهة بين خيالك

    وعقلى
    بنت الغربة said...
    شكلها هتبقى حكايه كبيرة قوى
    او صغيرة وتنتهى بسرعه...
    انت وحدك اللى تقدرى تحددى وضعها ايه ؟؟
    من مؤشر سرعة ضربااات قلبك لما تشوفيه...
    مستنيه اللقاء التالت ...
    تحياتى
    E73 said...
    أحمد
    ****
    نحن وإياكم يا رب آمين يا رب العالمين يا رب دعواتك
    ماي بي الأيام هي اللي هتبين ده
    الله يسلمك
    شرفتني

    بس انا كنت عوزة انوه عن حاجة
    اليوميات دي مؤللفة مش واقعية
    E73 said...
    غروب
    *****
    انتي أجمل يا ساسو الحمد لله انها عجبتك بجد ده شرف كبير ليا وشهادة تقدير كمان اعتذ بها
    انتي احلى يا كميل ولسة
    ان شاء الله عن قريب
    E73 said...
    الهامي
    *****
    بجد سعيدة ان حضرتك بترد عليا لتالت مرة في نفس البوست شيء يسعدني ويشرفني
    وبجد تعليقك شهادة اعتز بها واعلقها وسام على صدري
    الله يكرمك بجد انا بس مجرد بكتب اللي بتوحيلي به نفسي
    بجد سعيدة جدا بتعليق حضرتك
    E73 said...
    بنت الغربة
    **********
    يا رب دعواتك معايا بجد نفسي تكون حكاية كبيرة
    حلوة من مؤشر سرعة ضربات قلبك لما تشوفيه دي
    ان شاء الله قريب لا تقلقي
    شرفتيني بجد
    بس للمرة الكتير بعيد انها مش يوميات حقيقية
    بجد سعيدة بزيارة حضرتك

Post a Comment



 

مُعجِزات © 2008. Design By: SkinCorner