الأربعاء، 7 أكتوبر، 2009

الجمعة الماضية

بسم الله الرحمن الرحيم

السلام عليكم ورحمة الله وبركاته


الجمعة الماضية

أوله مفرح

أوسطه محرج

آخره محير


كان حفل زفاف ابن أخو صديق والدي وبالطبع كنا من المدعوين وخاصة أن والدي كان صديق لأسرة عمي منذ زمن

بعد أن تجهزنا لهذه المناسبة ذهبنا لعمي أولاً لأنه هو من يعرف الطريق وكانت معه عمتي وبنتهما وزوجها


حقًا كان جو مفرح وخاصة عندما يفرح الطيبون شعور لا يقدر بثمن


كان حفل فاخر في فندق من أرقى فنادق المحروسة زاده تألقًا تواضع المدعوين وتعارفهم


جلسنا مع عمي وأسرته على نفس المنضدة بالقرب من العروسين وكانت لحظات حقًا لا تنسى


عندما أتى موعد الوليمة وكانت من النوع المفتوح -كلٌ يخدم نفسه- كنت أنا وكالعادة محرجة في مثل هذه الأوقات حيث أنني غير مقدامة في هذا الأمر وبالطبع والدي لم يتطوع بإحضار طبق لي لأنه بالفعل ذهب ليحضر له ولوالدتي

أنا وبعد أن قلت الأقدام عن مائدة الوليمة ذهبت على استحياء لأحضر لنفسي طبق فليس من اللائق ألا أتناول شيء في مناسبة كهذه فيظن أحدهم أنني متضايقة أو غير مرحبة


المهم أنني توجهت للمائدة وكان عليها أصناف عدة تحيرت بادئ الأمر أيها أتناول، ثم حسمت أمري ببعض "المحشي وشرائح الدجاج المقلي" وعندما اقتربت من خادم الدجاج لأتناول شريحة تنبهت إلى أن شخص أتى بجانبي وهمَّ بتناول نفس الشريحة، تقاعس بعدها كلانا عن تناولها؛ كل منا ينتظر الآخر ليتناول أولاً


وجدته يتناول الشريحة وتفاجأت به يضعها في طبقي


حقًا ارتبكت لدرجة لا استطيع وصفها حتى أنني هممت بالانصراف عن قاعة الطعام، ثم تنبهت إلى الطبق في يدي وكالتي تحاول التخلص من تهمة ألصقت بها وضعته على طرف المائدة وذهبت وقد شعرت أن الدماء يكاد ينفجر بها وجهي


توجهت لشرفة القاعة لأتنسم بعض الهواء يقلل من ارتباكي، تفاجأت واندهشت إذا به يأتي ليقف بجواري وبيده طبقه وطبقي ويعتذر إلي ويمد يده بطبقي لأتناوله


بالطبع ما كان مني إلا ازدت ارتباكًا على ارتباكي وقلت له في حدة "لو سمحت دي مش طريقة ممكن تسبني في حالي؟!" وانصرفت عنه متجهة إلى المنضدة حيث يجلس والدي


بالطبع كنت أشعر بأحاسيس متضاربة يتصارع كل منها ليسيطر علي، أولها إحراجي من الموقف يليه حنقي على هذا الشخص بالإضافة إلى قلقي من أن ينتقل إحساسي بالحنق لأحد من الحفل وتصير غصة لا داع منها وخاصة أنني لست من أهل الحفل ولكنني مجرد مدعوة


فكرت حينها مالذي جعلني أوافق على المجيء إلى هذا الحفل من البداية وكنت قد وفرت على نفسي عناء هذه المشاعر البغيضة والموقف الذي ليس له داع


مر بعض الوقت وهدأت نفسي شيئًا، أتت ابنة عمي لتجلس إلى جواري وتسألني "هو الشاب اللي واقف هناك ده ضايقك في حاجة؟"

نظرت إليها مستفهمة كيف عرفت ثم قلت لها "بعدين هحكيلك بعد الفرح واحنا مروحين، بس انتي عرفتي منين؟" فقالت لي "أصله قالي انه ضايقك وهو مكنش يقصد ولما لقاكي قاعدة على نفس الترابيزة بتاعتي عرف انك معايا فوصاني اعتذرلك بالنيابة عنه انه مكنش يقصد يضايقك" تنهدت ثم أخبرتها أنه لا داع للأسف لم يحدث شيء


انتهى الحفل ولم يحدث أي شيء خارج المخطط له مجددًا


وفي اليوم التالي ذهبت إلى ابنة عمي -وقد توطدت علاقتنا الفترة السابقة- جلست معها بعض الوقت وقصصت عليها ما حدث وتعجبت لاندهاشها من تصرف هذا الشاب الذي عرفت فيما بعد أنه ابن عمها الثان وأنه انسان جاد ليس له في حركات الشباب وطيشهم وليس من النوع الذي يترقب للفتايات أو يهتم لأمرهم من الأساس


وبالطبع جلسنا نتحاكا ونختلق القصص على هذا الموقف وأنا أصف لها مدى ارتباكي حتى أنني كنت أنتفض بداخلي وأنا لا أعرف هل ما افعله صواب أم خطأ أو ماذا يجب علي أن أفعل وهل أطلب من والدي الانصراف أم أسكت وأنتظر انتهاء الحفل


عدت بعدها إلى المنزل وقد أراحني كلامي مع ابنة عمي ولم أعد أفكر في الموضوع بضيق كالسابق


حتى الآن الموقف مر ولا شيء في ذلك موقف من المواقف التي تمر على الانسان ربما غريب أو محرج ولكنه مر على أي حال


واكتشفت بالأمس أن الموقف لم يكن مجرد موقف فقد اتصلت بي ابنة عمي واخبرتني ان ابن عمها -هذا الشاب- اتصل بها وسألها عني واذا ما كنت مرتبطة أم لا وأوضح لها رغبته في التقدم لي وأنها ستكون في قمة السعادة لو أن هذا الأمر وفق لأنها تحمل لكلانا معزة خاصة في قلبها وأخبرتني أنه يرغب في التحدث إلى والدي في أي وقت


بالطبع في بادئ الأمر كنت مندهشة بعض الشيء ولم أستطع رد قولها وقد أخبرتني بأنها سوف تتصل مرة أخرى لترد عليها والدتي وتخبرها بالأمر، وقد كان ووالدتي أخبرت والدي ووالدي اتصل بعمي ليسأله عن هذا الشاب ورأيه فيه


لست أدري تحديدًا إلى أي مدى سرى الموضوع في وقتنا هذا

ولكنني صليت استخارة ولكن لست أدري حتى الآن متى أو أين أو كيف أو ماذا حدث


وها أنا منتظرة حلم، اشارة، ارتياح.


ربما !!!!!!!!!!!!!

20 Comments:

  1. romansy said...
    اول تهنئه


    ل



    رومانسى


    ان شاء الله
    romansy said...
    الصراحه الصراحه اسلوبك بيقول انك بنت رقيقه جدا جدا
    ودا يشجع اى شخص انه يتقدم ليكى لانه بقى صعب جدا جدا
    فى الزمن دا ان الانسان يلاقى حبيبه فيها رقه وفيها ادب واخلاق
    طالما صليتى صلاه استخاره يبقى سيبى الامور تمشى زى ما هيه
    واقولك سر
    انتى معجبه بيه

    المره اللى جايه نبقى نجيب الهدايا بقى
    ان شاء الله
    الف مبروك مقدما
    E73 said...
    رومانسي
    **********
    مبارك على أول تهنئة

    الله يكرمك

    لكن القصة من وحي الخيال
    SHEMOooo said...
    مش عارفة لية جوايا احساس طاغي
    انك خلطي الحقيقة بالخيال

    صباح الجمال
    خدتيني للحلفة بكلامك، وعيشتيني حلم في يوم كان ممكن اعيشة :)
    romansy said...
    اى شاب بيتمنى البنت الجميله اللى حكيتى عنها فى قصتك
    بس دى ممكن تبقى ملاك ولا حوريه بس لو من الشاب دا مش استغنى عن حلمى
    وهحاول لغايه لما اوصل للى عاوزه
    AhMeD RaDy said...
    بسم الله

    السلام على الجميع

    يارب يارب يكون خير يارب وان شاء الله خير

    القصة كالعادة روعة

    انتى بتغيبى ليه ؟؟

    ربنا يارب يوفقك يا دورنا وحظ موفق

    والقصة بجد موووووووووووووز
    نأتيكم بكل جديد said...
    مقلتيش انك نزلتي حاجة جديدة!

    عارفة أحلى حاجة في القصة دي انها واقعية أووووووي .. وممكن أي حد يعتقد انها تدوين جيد لمذكرات أي بنوتة

    مش هقولك متتأخريش علينا بقى
    أوك؟
    E73 said...
    حبيبة قلبي شيمو
    *******************
    لألأ متقلقيش انا طول الوقت بعمل خلط بس مش قوي يعني حاجة زي بستوحي الاحداث على سياق الواقع

    ربنا يصلح حالك يا رب
    E73 said...
    رومانسي
    *********
    انا مقلتش انها جميلة قلت انها من عيلة متوسطة وخلوقة بس
    وهي لا ملاك ولا حورية في منها كتير لكن اللي يقدر يشوف
    E73 said...
    احمدراضي
    ************
    وعليكم السلام ورحمة الله وبركاته
    آمين يا رب العالمين نحن واياكم
    الله يكرمك
    علشان مبقاش لوجودي سبب آخد عليه ثواب
    نحن وتياكم
    الله يكرمك
    E73 said...
    نأتيكم بكل جديد
    *****************
    هو انا بشوفك عشان اقول؟
    الله يكرمك من ذوقك
    ان شاء الله
    شموع دافئة تحت زخات المطر said...
    السلام عليكم و رحمة الله و بركاته

    اولا ازيك يا انوستي
    واحشاااني جداااا
    جدااااااا

    ثانيا المدونة رقيقة جدااا

    ثالثا القصة جميلة جدااا
    كنتي مخبية المواهب ده فين يا قمري

    و ان شاء الله ابقى اقرا القصة كلها
    حلم بيعافر said...
    حرام عليكى الواد معملش حاجة
    بتغيبى كتير عن المدونة
    اسمحيلى ابقى طفس واسال ليه؟
    من غير احراج ولا احمرار وش
    E73 said...
    شموع
    *******
    وعليكم السلام ورحمة الله وبركاته

    الحمد لله تمام كيدايرة انتي يا سمسمة؟
    والله وانتي وحشاني كتير كتير

    الله يكرمك يا رب من فضل رقتكم يا سمسمة

    الله يخليكي يا رب

    كنت مخبياها تحت الطاقية
    ان شاء الله وانا منتظرة تعليقاتك دائما

    بجد بجد نورتيني وشرفتيني
    ربنا ما يحرمني منك
    E73 said...
    حلم بيعافر
    *************
    !!!!!!!!
    نعم!
    أختها said...
    كانت معي عمتي وبنتهما وزوجها؟
    طب اعدلي الجملة كانت معي عمتي وزوجها وبنتهما
    يا إما كانت معي عمتي وبنتها وزوجها
    اعملي أي حاجة
    لو قريتي الجملة من أولها هتحسي انها بنت عمك وعمتك لا سمح الله ههههههههه

    وإيه موضوع مقدامة ده محسساني انك داخلة على معركة مش وليمة هههههههههه

    لا مؤاخذة يا دودو انت عارفة النقد البناء وكده D:

    تقعص
    تقعص
    تقعص يا دورنا؟!
    وافضيحتاااه

    أولا اسمها تقاعس (يا فاشلة) وبعدين مش في مد الإيد على الأكل يعني خلي كلامك يفتح النفس
    D:

    لو عايزة معجم يابنتي قوليلي عندي على الجهاز ارفعهولك وخلاص
    لا بس حلوة يضعها في طبقي دي

    عجبتني

    ذوق ذوق ذوق صراحة ههههههههههههه

    أنا لو مكانك احطها في بوقي واجري هههههههههههه

    لا كنت هسيبها في الطبق الرئيسي وامشي

    لأتنسم بعض الهواء ليقلل
    أو لأتنسم هواءً يقلل

    ياخراشي عليكي فكرتيني بقصص زهور يا اسمك إيه D:

    ثانية واحدة بقى

    ثانية

    يعني إيه ابن عمها الثاني يا ناصحة؟؟
    عم جايباه من حتة تانية يعني؟
    ماهو ابن عمها وهي بنت عمك يبقى هو ابن عمك
    ابن عمك وانت مش عارفاه؟

    طب قولي ابن خالتها وللا خالها تبقى مبلوعة
    عدليها بجد لاحسن شكلك يبقى وخش أوي
    واحدة مش عارفة ابن عمها وبتقولابن عمها الثان مش عارفة الثاني دي يعني إيه

    أنا استغربت أوي ان ماحدش علق على الحتة دي
    هو انا اللي فاهمة غلط وللا إيه

    في النهاية حاولي في القصة تفرقي بين الوقتين
    يعني تقولي ان مر فترة كافية من حلقة الموت
    مش كافي تواريخ المدونة أقصد
    E73 said...
    يا أختها يا حبيبة قلبها
    ************************
    ايه يا اختها؟
    انتي فعلا في لبس حصل معاكي
    ماهو لو حضرتك متابعة كويس كنتي عرفتي الغلط اللي عندك اللي مخليكي مش فاهمة اي حاجة

    الجملة بتاعت عمي وعمتي وبنتها وجوزها صح
    لأن عمي بالمقام مش بالفعل هو المفروض صديق والدي ومراته في مقام عمتي وبنتهم وجوزها فالجملة صح

    ولا يهمك يا فندم على النقد بس حسيت ان دي هي المناسبة بالنسبة لمقدامة
    وألف شكر يا فندم على تصحيح كلمة تقاعس اعتبريها غلطة مطبعية

    هههههههههههههههه وماله آخدها وأجري اه

    اسمك ايه؟ نسيتي اسمي!!!!!!! قولي يا نونو

    وحكاية ابن عمها التاني لأن هي مش بنت عمي هي بنت صديق والدي والعريس ابن عمها والشاب يبقى ابن عمها التاني

    مانتي لو متابعة من الأول كنتي عرفتي ليه انتي الوحيدة اللي علقتي على الجمل دي

    بالنسبة للوقت برضه بتيجي بالمتابعة بس حاضر هحاول اوضح برضه بداخل القصة
    أختها said...
    يابنتي متابعة إيييييييييييه
    انت بتهرجي على فكرة

    يعني المفروض انك تعملي فرق أد كده بين كل حلقة والتانية وانا الذاكرة بقى تفضل فاكرة القصة؟!!!
    وللا كل مرة هقرأها من الأول؟!
    أختها said...
    وبعدين ماتوضحي كلامك طول القصة
    فيه حد بيقول عمي وعمتي على اصحاب أبوه؟

    غريبة انت والله
    اسمها صاحب والدي وزوجته
    خليكي واضحة كده عشان الناس ماتوهش منك
    E73 said...
    أختها
    ******
    حاضر يا ستي حقك عليا
    بس انا بوضح في كل قصة ان اللي بتكلم عليهم هما صديق والدي وزوجته

    أصلي بستتقل أقول كل شوية صديق والدي وزوجته عمي أسهل

Post a Comment



 

مُعجِزات © 2008. Design By: SkinCorner