السبت، 24 أكتوبر، 2009

ربما إشارة!!!

بسم الله الرحمن الرحيم
السلام عليكم ورحمة الله وبركاته

هكذا نحن دائمًا لا نستعجل الأمور
ما سيحدث سيحدث (Quel sera, sera)
مرت الأيام ولم أحس بجديد
تقابل والدي مع ذلك الشاب عند عمي في يوم من الأيام أعجبه عقليته وطموحه
فأعطاه موعد ليأتينا هو وأهله في المنزل
وكان هذا الموعد يوم أمس "كما خطط له" وليست الأمور تسير دائما كما هو مخطط

بالطبع يوم كهذا ليس كمثل أي يوم فيجب أن يكون كل شيء على ما يرام وربما أفضل من ذلك لو كان هناك أفضل

كان الموعد في الساعة السابعة مساءً

ولكن والدي أتى من الخارج يحمل معه خبر اعتذارهم عن الموعد

فكما قيل له في الهاتف أن أحدهم مريض وتم نقله للمشفى ولن يتمكنوا من الحضور في مثل هذا اليوم

بالطبع شعرت بالإحباط ليس لأنه عريس وألغى موعده

ولكن لأن تعبي وإرهاقي شعرت أنه ذهب سدى

ثم فكرت في الأمر مرة أخرى ولِمَ؟ إنه بالفعل لم يذهب سدى فها نحن يمكننا التمتع بما سبق وفعلنا

لست أدري أكانت هذه حجة للتراجع عن الموضوع!
أم أنه بالفعل عذر واقعي

ولكن أيًا كان هذا الأمر لا يقلقني
فحتى الآن لم أشعر بشعور حاسم تجاه الموضوع
سواء بالرفض أو الإيجاب
ولذلك
كل ما يقدمه الله خير

لعل هذه هي الإشارة
ربما قالوا "كل تأخيرة وفيها خيرة"
أيًا كان فأنا مقتنعة بأنه في أمر الزواج خاصة فهو نصيب لا نملك التحكم به وما كتبه الله هو ما سيحدث لأن الزواج ليس كغيره من المشاريع فهو يترتب عليه وجود سلالة كاملة من البشر بعد ذلك أو لا

لعل المانع خير

61 Comments:

  1. اسماء واحلام فى وجدانى said...
    هو فعلا الزواج قسمة ونصيب بس صعب ان يكون فى طرف بيقدم على البداية دى والطرف التانى حاله مش ايجابى ولا سلبى يعنى مش فارقة معاه ولو انها كلمة صعبة شوية واكيد اللى اى شىء مفاجئة بيحصل فى مواضيع الزواج بتطون خير لانها ساعات كتير بتظهر حاجات مش كانت واضحة كويس قبل كده
    وفى الاخر كله مقدر ومكتوب
    ماما said...
    ولا يهمك
    كل ماياتى به الله خير ان شاء الله
    وان كنت اتمنى لكى السعاده
    حلم بيعافر said...
    متابعين بقية الحكاية
    ..................
    غروب said...
    لعله خير
    romansy said...
    المهم ان العريس اتقدم واوفى بوعده وكفايه اللى عمله فى الفرح دا كله علشان مين
    هيجى هيجى
    E73 said...
    أسماء وأحلام في وجداني
    **********************
    لكن أعتقد بيكون هو دا الوضع في الغالب في جواز الصالونات لو صح تسمية الطريقة دي بجواز الصالونات

    وفعلا كله مقدر ومكتوب
    E73 said...
    ماما
    *******
    سعيدة جدا بمرور حضرتك عليا

    هي في الحقيقة اللي انا بكتبه عبارة عن قصة من وحي الخيال ومش حقيقية

    لكن عموما فعلا كل اللي ربنا بيجيبه كويس

    نحن واياكم
    E73 said...
    حلم بيعافر
    *************
    ان شاء الله
    E73 said...
    غروب
    ******
    هو ايه دا اللي لعله خير ياختي؟
    انتي بتغيظيني!
    E73 said...
    رومانسي
    *********
    يا خبر النهاردة بفلوس بكرة يبقى ببلاش

    ان شاء الله
    SHEMOooo said...
    فاكرة بوست اعتذار عن موعد الحضور

    فعلا ده بالظبط اللي حصلي أنا كمان
    لا يختلف عن احساس بطلة القصة ( زي ما بتقولي)

    بس مهما وصفتي احساسك بالأحباط من الموقف بغض النظر عن كونة عريس او غيرة

    الموقف بيبقا في منتهي الصعوبة لدرجة الفشل في وصفة بدقة
    لأنة لا يوصف بجد :(
    ومفيش حاجة في الدنيا تتداوي الالم اللي بتحسي بي وقت ما تسمعي كلمة تأجيل دي حتي لو رجعو تاني وحضرو في البيت :)


    استمري يا بنتي شكلها هتبقا حاجة كبيرة قوي

    منتظرة القادم :)

    والله يكرمك لونيلنا شوية بدل الدارك بلاك ده
    كفاية اللي عندنا في الحقيقة :)
    E73 said...
    شوشة حبيبة قلبي
    *****************
    طبعا فاكرة
    اها فعلا شعور فظيع بالاحباط
    الانطباع الأول يدوم طويلا
    تعرفي بجد يا شوشة بترفعي من معنوياتي جدا

    ربنا يخليكي ليا ويخليلي ردودك الطويلة الجميلة دي

    ههههههههههههههه
    ان شاء الله ربنا يسهل
    اسماء واحلام فى وجدانى said...
    جواز صالونات
    طيب تصدقى انى اول مرة اسمع المصطلح ده

    بس هو فعلا كله مكتوب
    ...... said...
    حيرجع تاني بس علي الله ميحصلوش حاجة هو كمان ...

    في انتظار بقية القصة و تحياتي لكي
    youssif said...
    نصيب ...
    الله اعلم ما الذي يخبيه المستقبل ...

    كملي القصة بس عندي احساس ان الموضوع مش حيكمل ليه معرفش ...

    تحياتي ليكي
    E73 said...
    الهامي
    ********
    اها فعلا

    بس ملحوظة على جنب:
    القصة دي من وحي الخيال ليس إلا
    E73 said...
    ......
    ********
    الله أعلم ممكن مخليهوش يرجع وأخلي القطار يخبطه المرادي

    أنا حرة بقى مش قلنا من وحي الخيال!
    E73 said...
    يوسف
    ********
    ان شاء الله ربنا يسهل
    يا خبر النهاردة بفلوس بكرة يبقى ببلاش

    مش يمكن يطلع فعلا مبيكذبش ويكونله حد في المستشفى ومأخدهاش حجة للفرار!
    سوسو الاموره said...
    ههههه انا زعلان على التجهزات بئه كمليلي القصه يا ايناس على اد ما انتي وحشاني على اد ما انا مئصره بحكم كلكم تسلم ايديكي ابدعتيييييييييييييييي وبجد الي فيه الخير لينا ديما ربنا بئدمه وادرك ونصيب هو واحد وبيجي اختيار من عند ربنا مهما كانت ظروف اللقاء بالاخر النتيجه وحده ههههههههههه
    اقصوصه said...
    الله ما عنده الا الخير :)
    E73 said...
    سوسو الأمورة
    *************
    ان شاء الله يا سوسو ربنا يسهل وأقدر أكمل
    والله يا سوسو كلنا مقصرين مش انتي بس
    بالنسبالي مش بقدر أقعد على النت غير كل فين وفين انتي عارفة الدراسة بقى
    ربنا يخليكي ليا وميحرمنيش منك
    ههههههههههههههه
    عندك حق والله
    E73 said...
    أقصوصة
    *******
    ونعم بالله
    ربنا يقدرلنا دائما الخير
    شرفتيني يا صوصو
    اسماء واحلام فى وجدانى said...
    بس انا مش قلت انها تخصك باى شكل من الاشكال لانى باتابع اى موضوع كحالة عامة او فكرة غير مطابقة بالمرة لكاتبها يمكن سوء تعبير منى وصلك الفكرة دى بس طبعا هى غير مقصودة بالمرة
    E73 said...
    الهامي
    ********
    لأ انا فهمت صح
    بس حبيت كزيادة تأكيد ليس إلا
    أهلا بيك في أي وقت
    اسماء واحلام فى وجدانى said...
    بس انا راجعت كلامى كذا مرة وبجد مش شايف اى توضيح للشخصية اللى اتكلمت عنها انا فعلا اتكلمت بصفة عامة
    وعلى العموم ممكن ترجعى تانى ولو لسة عند رايك فانا بردوا باحترم رايك لان كل واحد حر فى وجهة نظره فى رؤية الموضوع من وجهته نظره الخاصة
    E73 said...
    الهامي
    *********
    انا مش فاهمة حضرتك بتتكلم عن ايه؟
    هو تقريبا حضرتك فهمت تعليقي بطريقة غير اللي انا اقصدها
    أو العكس لأني مش فاهمة شخصية ايه اللي حضرتك تقصدها؟

    انا كان قصدي في ردي الاول ان في الغالب لما يكون الطرفين مش عارفين بعض من البداية بيحصل الشيء الصعب اللي حضرتك قلت عليه واللي هو ان حد يبقى بيسعى لإتمام الموضوع والطرف التاني مش فارقة معاه لسة اذا اسمر الموضوع او لأ

    بالنسبة لردي على التعليق التاني ان بالفعل اللي ربنا كاتبه بيكون
    أما عن جواز الصالونات فده مصطلح قديم مش مستحدث وهو اللي بيكون عن طريق تعارف العائلات ويتم ترشيح اثنين للزواج دون أن يكون بينهما سابق معرفة

    ونوهت عن ان القصة انا مألفاها مش تحديدا لرد حضرتك لكن عامة لأن في ناس كتير بتعتقد اني بكتب يومياتي الحقيقية

    لكن في النهاية انا مش فاهمة تحديدا المفروض اننا بنتناقش على اي جزئية؟

    واضح ان حضرتك عايز توصلي فكرة حضرتك مش متفق معايا فيها بس انا مش عارفة هل حضرتك بتتكلم على اني قلت ان القصة مألفاها

    ولا على جزئية جواز الصالونات

    ولا على جزئية ان صعب حد يكون بيسعى والتاني مش فارقة معاه؟
    اسماء واحلام فى وجدانى said...
    باعتذر عن سوء التفاهم ده

    انا اللى فهمته من كلامك انك فاكرة انى فاكر ان القصة دى من واقع حياتك انتى

    فانا حبيت اقولك انى بــ ارد على اى موضوع على اساس انه مش يخص اللى كاتبه
    يعنى انا عارف ان القصة ليست من واقع حياتك وعلى دراية كاملة انها خيال ليس الا

    بالنسبة لكلمة زواج صالونات فانا فعلا اول مرة اسمع عنها اكيد هى قديمة زى ما قلتى بس انا بجد دى اول سمع ليا
    E73 said...
    الهامي
    ********
    الحمد لله أعتقد سوء الفهم اللي حصل مع كلانا اتحل
    وأتشرف بتعليقات حضرتك في أي وقت
    حصل خير
    أختها said...
    على فكرة لماذا اللي من حرفين اسمها
    لم
    مش لما
    وحاولي بقى تعملي الفصلة والنقطة وكده ظبطي القصة

    انت بتجيبي الصور الحلوة دي منين يا بنت انت؟

    يللا سي يو الحلقة الجاية
    عابرة السبيل = ام بقلظ باشا said...
    السلام عليكم
    اكيد هو خير

    يروح واحد ييجى عشرة
    ولو قعدتى تسمعى من كل واحد وواحدة نصيبها جه ازاى وازاى كانت الفرص قدامها بس ماكانش فى نصيب تحسى فعلا ان الجواز ده مش باختيارنا قد ما هو تقدير من ربنا لينا
    E73 said...
    أختها حبيبة قلبها
    ******************

    ربنا يخليكي ليا كدة وتنقدي نقد بناء دائما
    شكرا على التصحيح
    ان شاء الله أحاول
    بس بخاف أبدأ أضيفه وبعد كدة أنسى فيكون الناس مركزة مع علامات الترقيم فالجملة متمشيش لما أنسى حاجة منها

    بس ان شاء الله أحاول

    من عند أنكل جووجل

    ان شاء الله الى اللقاء
    E73 said...
    أم بقلظ باشا
    *************
    منورة المدونة بجد وشرفني تعليقك
    وعليكم السلام ورحمة الله وبركاته

    ان شاء الله خير
    فعلا في مسألة الجواز دي الواحد بيشوف العجب

    أتمنى متحرمينيش من تعليقاتك أبدأ

    بس حابة أكد تاني ان القصة دي من وحي الخيال
    اسماء واحلام فى وجدانى said...
    الحمدلله
    اختى الفاضلة دمتِ فى حفظ الله ورعايته
    أختها said...
    أصلك مش واخدة بالك
    أنا بمشي معاها لا إراديا
    وانت مش عملاها خالص
    والاقي جملتين على نفس السطر اقراهم على بعض وأفاجأ ان فيه فاصلة ناقصة في النص هي اللي هتظبطلي فهمي للجملة
    يعني اعمليها ولما تنسي واحدة يبقى أحسن من مافيش
    E73 said...
    أختها
    *********
    حاضر يا اختي
    ان شاء الله مش هنساها بعد كدة
    صدفة جميلة said...
    السلام عليكم
    قولت مش بتسالى قولت اعدى وسلم
    اخبارك ايه يارب تكونى بخير
    تخيلى باه لو روحتى ومش لقيتى العروسه
    علشان اتاخرت فى الجامعه
    موقف حصل لواجد صحبى
    ههههههههههههههههههههههههههههه
    مواقف
    المهم ياستى مش تنسينا
    ويارب دايما تكونى بخير
    ومش تقلقى اليعرف باباكى ويعرفك اكيد عمره ما يتاخر الا لظروف بجد قاسيه
    سلام
    لاسع افندى said...
    لعل المانع خير


    تحيه لاسعه
    E73 said...
    صدفة جميلة
    ***********
    وعليكم السلام ورحمة الله وبركاته
    الحمد لله بخير
    سبحان الله
    نحن وإياكم
    ربنا يسهل هنعرف إن شاء الله في الحلقة الجاية
    E73 said...
    لاسع أفندي
    ***********
    الحمد لله بخير
    تشرفت بمرورك
    سمو الأميرة سارة said...
    نفس الاحباط حصل في موضوع لأختي بردو وحسينا كأن الفرح مش عايز يدخل بيتنا بس بعد شوية جالها حد احسن جداً لدرجة انه ما ينفعش نقارنه باللي قبليه

    ربنا يرزقك الزوج الصالح ويرزقك الزرية الصالحة امييييييين يااااارب
    ماما said...
    ازيك يا ايناس
    انا جايه النهارده اهنيك بالعيد
    واقولك كل سنه وانتى طيبه
    ونفرح بيكى قريبا يارب
    اسماء واحلام فى وجدانى said...
    كل سنة وانتى طيبة وبخير دايما يارب
    م/ الحسيني لزومي said...
    عام سعيد وكل عام انتم بخير
    نحن مقبلون علي لحظات حرجه في تاريخ مصرنا
    انتخابات مجلس الشعب 2010
    انتخابات الرئاسه 2011
    هل اعددت نفسك لتقول كلمتك
    هل سجلت نفسك في الجداول الانتخابيه
    اذا كنت قد سجلت نفسك ادعو غيرك
    الحمله الشعبيه للقيد بالجداول الانتخابيه
    باقي من الزمن30 يوم
    أحمد الصعيدي said...
    ما أصابك ما كان ليخطئك وما أخطأك ما كان ليضيبك والحمد لله في الأولي والأخرة وعشيا وحين يصبحون

    قدر الله لك الخير حيث كان

    سعدت بمروري الأول علي صفحات مدونتك

    السلام عليكم ورحمة الله
    E73 said...
    سمو الأميرة سارة
    **************
    منوراني في أول إطلالة لك في مدونتي
    ربنا يبارك لأختك
    نحن وإياكم يا رب آمين

    حبيت أنوه أن القصة مش واقعية لكن هي حلقات أنا بألفها
    E73 said...
    ماما
    *******
    الحمد لله تمام وازي حضرتك؟
    وحضرتك طيبة يا ماما آسفة جت متأخرة كتير جدا
    ربنا يفرحنا جميعا يا رب
    E73 said...
    إلهامي
    ********
    وحضرتك بالصحة والسلامة
    E73 said...
    م/الحسيني لزومي
    ****************
    وحضرتك بالصحة والسلامة
    ربنا يقدم اللي فيه الخير
    E73 said...
    أحمد الصعيدي
    *************
    الحمد لله
    نحن وإياكم
    شرفتني
    وعليكم السلام ورحمة الله وبركاته
    أختها said...
    هوانت بطلتي تكتبي وللا إيه؟
    ادخلي كده شوفي بلوجي إيه النظام؟
    E73 said...
    أختي
    *****
    لأ مبطلتش ولا حاجة بس القالب كان بايظ وكان جايبلي احباط واضطريت أغييره

    غير الدراسة بقى وانتي عارفة
    وكمان حكاية تسجيل الملكية الفكرية

    البلوج بتاعتك كانت جميلة قوي بس مش عارفة انتي قفلتيها ليه؟
    ولا انتي غييرتي الرابط بتاعها؟
    Diyaa' said...
    عجبتني النظرة الإيجابية للموضوع :)
    إنكم تعبتم في بيتكم واستغليتوا التعب لنفسكم :)
    ويمكن أخدتوا بالكم من حاجات كانت مهملة لفترة من الزمن

    ولعله خير فعلاً..

    فكرة المدونة المحيرة ما بين المذكرات الشخصية والتخيلية ..عجباني أوي
    بس محيراني برضه

    شكراً لدعائك وجزاكي الله كل خير
    وبرجاء تبلغي كل من تتوسمي فيهم الخير:)

    علشان تبقى دليتي على الخير برضه
    ولا إيه ؟
    والسلام عليكي ورحمة الله

    p.s no 1

    what do u mean by E73 ?

    p.s no 2

    welcome back :) waiting ur next post isa
    E73 said...
    ضياء
    ******
    :)
    هي فعلا للأسف لازم الناس يبصولها دائما من وجهة نظر إيجابية علشان ميجلهمش إحباط لأن كتير قوي بتحصل مواقف زي دي

    تقدر تقول خيال مستوحى من الواقع

    جزاني وإياكم وان شاء الله أبلغ كل اللي أعرفهم

    وعليكم السلام ورحمة الله وبركاته

    توضيح رقم 1:
    ده اختصار حروف اسمي بالكامل
    (إ.ح.ع)

    ملحوظة رقم 2 :
    الله يسلمك وان شاء الله ربنا يفرجها قريب

    شرفني مرورك الكريم
    جنّي said...
    السلام عليكم

    لو اطلعتم على الغيب لاخترتم الواقع ..

    ولكنها تدابير الله سبحانه وتعالى ..

    ولا ندري اين الخير ..

    فكما قلتي لعل المانع خير ..


    وفقك الله في كل حياتك
    E73 said...
    جني
    *****
    وعليكم السلام ورحمة الله وبركاته
    وفقني وإياكم
    سبحان عالم الغيوب وعسى أن تكرهوا شيء وهو خير لكم

    تنويه بسيط أن هذه المدونة تضم يوميات من وحي الخيال ولكن مستوحاه من الواقع
    عمار مطاوع said...
    السلام عليكم
    تلك هي الزيارة الاولي
    دام عزك
    E73 said...
    عمار مطاوع
    ************
    ربنا مجعلهاش الأخيرة
    نحن وإياكم
    فاروق بن النيل said...
    E73
    لعل التعديلات التى أضفتيها لقصتك
    لاتكون السكين الذى طعنتيه به فى غرفة الفندق فهذا هو الشيئ الوحيد الغير منطقى ولم ولن أقتنع به مهما قولتى
    أعذرينى وأيضا طلبه من الطبيب عمل فتحة بثلاث غرز فوق القلب مدعيا أنه سيضعك داخل قلبه ثم يسكنك فيه
    أعجبنى رحلة الحج وكلامك عنها والحقيقة أود أن تقرأى مقطوعتى " التوبة النصوح " وهى قطعة شعرية أو أغنية دينية كتبتها وأنا بالعشرين عاما وهى أول إنتاج فى مدونتى التى بدأتها فى شهر يناير هذا العام أتشرف بزيارتك لمدونتى:farouksam.blogspot.com
    E73 said...
    فاروق ابن النيل
    *****************
    يبدو أنك ضغضطت على رابط التعليقات في الرسالة قبل الأخيرة وليست الأخيرة كما فعل من قبلك عمار مطاوع

    لكن عمومًا لا يهم فكلها مقالات في نفس المدونة

    لا لا تقلق فهذه لم تكن الإضافة

    بالنسبة للغرز لم تكن له وانما لها هي
    تشرفت بمرورك وتعليقك
    كلام على بلاطة said...
    تحياتى
    =====
    اذا حاولت ان تبنى هتلاقى العشرات قصادك بكل همة بتهد/

    فمهما بنيت مش هتلاحق على مدمنى الهدد او تقدر تـــــعد/

    وهتلاقيهم ناس عاديين غلابه مطحونين مظلومين بحق وبجد/

    ولا هم لهم الا الشكوى من الناس الظلمة وهم للظلم اشد/

    وهتلاقى كمان مسئولين لا يعرفون من المسئولية الا الهد/

    وانا مش عارف هل هذا طبع ؟؟ام حكمة وفلسفة الغد/

    يهدوا البلد على روؤسنا واكيد مش هيلاقوا اى رد/

    وعلشان كده الدنيا عندنا عامت ولم تعود تهم اى حد
    E73 said...
    جميلة جدا جدا وبجد
    مبدأ أو منطلق الهدد
    ونرجع نستغيث ونقول مدد
    ماحنا أصلنا بالسلبية بنرد

Post a Comment



 

مُعجِزات © 2008. Design By: SkinCorner